Еден загинат и четворица повредени во експлозијата на плинска боца во Гевгелија

Од:

Работник на возраст од 40 години почина во Гевгелија кога во попладневните часови на 26 јануари настанал пожар во продавница за производи од железо, каде што тој бил вработен.

Како што информираат од МВР, во пожарот сo повреди се здобиле уште четворица работници од Гевгелија и еден од селото Прдејци, сите на возраст меѓу 29 и 46 години. По укажаната лекарска помош во општата болница во Гевгелија работниците биле пуштени на домашно лекување.

Со повреди се здобил и уште еден 30-годишен гевгеличанец кој, по укажаната лекарска помош бил пренесен во комплексот клиники „Мајка Тереза“ во Скопје.

Причина за пожарот, според првичните сознанија е експлозија на плинска боца која 30 годишникот ја донел за да се монтира горилник.

Пожарот бил изгаснат од страна на противпожарна екипа. Извршен е увид на местото на настанот, а по наредба на Јавен обвинител телото на починатиот е дадено за обдукција.

Би можело да ве интересира

Крим техничар од гостиварската полиција призна дека украл запленети пари и злато

Катерина Ѓуровски

Маж од радовишко силувал 77-годишна жена

40-годишник од стумичко починал на паркинг во Скопје

Катерина Ѓуровски

Двајца Срби, едниот малолетник, повредени во сообраќајка кај Неготино

Малолетници избоделе жител на Студеничани, со тешки повреди сместен во болница

Катерина Ѓуровски

Левица: Спречени двајца функционери на ДПМНЕ да објавуваат две функции паралелно