Едно лице загина, а четворица се повредени во три сообраќајни несреќи што утрово се случија кај Демир Капија.
Во судир, што се случил околу 09:30 часот на патот Демир Капија – Удово, кај местото Луткова река, дошло до судир на товарно возило со унгарски регистарски таблички и возило опел со кавадаречки регистрации, при што загина 49-годишен кавадарчанец.
Претходно, на неколку километри оддалеченост во судир на два камиона, причинета е само материјална штета, повредени нема.
На патот Неготино – Демир Капија возило фолксваген со српски регистарски ознаки се судрило со товарно возило МАН со гостиварски таблички. Во несреќата повредени се четири лица, од кои едно потешко.
