Еден потешко повреден и едно лице е лесно повредено во сообраќајна несреќа, која синоќа се случила на улицата „Шишка“ во Кавадарци.
СВР Велес денеска соопшти дека во 21 часот на улицата „Шишка“ во Кавадарци дошло до сообраќајна незгода меѓу патничко моторно возило „сеат ибица“ сопственост на Здравствениот дом од Кавадарци управувано од Љ.Ј. роден 1968 година и мотоцикл „скутер балтијан“ сопственост и управуван од Г.З. од Росоман, роден 1992 година.
– При сообраќајката со тешки телесни повреди се здобил возачот на скутерот и е препратен на скопските клиники, а со лесни повреди се здобил Љ.Ј., информира СВР Велес.
Полицијата работи на утврдување на причините за несреќата.