Дирекцијата за заштита и спасување и Коордиантивното тело на Владата прават максимални напори за санирање на состојбата предизвикана од поројните дождови што пред неколку дена го зафатија дел од Македонија, информира денеска денеска директорот Дирекцијата, Шабан Салиу.
Целата механизација на ДЗС, како што истакна по конференцијата одржана по повод одбележувањето на Светскиот ден на цивилната заштита, е на терен во потешко настраданите подрачја, во Струмичко, Штипско, Кумановско и Светиниколско. Тој посочи дека состојбата со браните Слатино и Пишица е добра.
– Секаде каде што имаше побарувања за пумпи од зафатените куќи ДЗС им излезе во пресрет. Во Свети Николе учествувавме со 35 пумпи за исфрлање вода, изјави Салиу, потсетувајќи дека за најзагрозените обезбедени се ќебиња, душеци, вреќи за спиење, храна, вода и лекови.
На одбележувањето на Светскиот ден на цивилната заштита – 1 март, ДЗС потпиша меморандум за соработка со италијанската дирекција за заштита и спасување, што според Салиу, значи формирање трајно пријателство и меѓусебна соработка.
Директорот потсети дека Македонија од минатата година е потписник и на механизмот на цивилна заштита при ЕУ.
– ДЗС преку овој механизам има еднакво право со сите земји членки на Унијата да дава мислења и сугестии за подобрување на системот за заштита, за заедничко дејствување при поголеми непогоди и незгоди, како и за едукација и вежби, рече Салиу.