Државниот завод за ревизија денеска ќе ги соопшти резултатите од ревизиите на политичките партии, јавните набавки и извештаите доставени до надлежни органи во 2017 година.
На средба со новинарите ќе го презентира Годишниот извештај за работењето лани кој ќе биде тема за расправа и во Собранието на Република Македонија.
Ќе бидат презентирани и планираните новитети во врска со транспарентноста на ДЗР и соработката со медиумите што е една од петте стратегиски цели во „Стратегијата за развој на ДЗР 2018 – 2022 година“.
На брифингот ќе зборува Мијалче Дургутов, ревизор во Секторот за информациски системи, задолжен за комуникација со медиумите и новинарите.