Новоименуваниот претседател на кривичниот суд, Иван Џолев при давањето заклетва рече дека нема да дозволи политички влијанија во судот.
„Нема алиби ако состобјбите во Кривичен суд не се подобрат“, повлече Џолев.
Тој најави дека пред да го донесе годишниот распоред за судиите, ќе разговара со сите судии поединечно, а ќе направи анализа за тоа што било сработено во изминатиот период.
„Промени ќе има, ќе има и преструктурирања“, рече Џолев. Тој додаде дека итни прераспоредувања на судии нема да има и дека ќе биде испочитувана волјата на секој судија поединечно.
На новинарско прашање по давањето на заклетвата, рече дека што се однесува до него се закопани воените секири со неговиот претходник Владимир Панчевски.
В.М.