Претседателот на Собранието на Република Македонја Талат Џафери денеска имаше средба со Кен Волак, претседател на Американскиот национален демократски институт (НДИ), Роберт Бенџамин, регионален директор на НДИ од САД за Европа и Крис Хеншоу, директор на НДИ за Македонија.
Како што соопшти собраниската прес-служба, на средбата беше изразено обострано задоволство од обемот на долгогодишната успешна соработка која ја имаат Собранието на Република Македонија и НДИ, како и интенцијата за нејзино понатамошно продлабочување и уште поголемо интензивирање на активностите во периодот што следи.
– Претседателот на Собранието на Република Македонија, Талат Џафери, изрази благодарност за многубројните покренати иницијативи за соработка, меѓу кои и отворањето на Парламентарниот институт, при што од страна на Волак беше нагласено дека НДИ останува и понатака отворен за реализација на идните проекти и за парламентарна соработка, се наведува во соопштението.