Џафери: Меѓу сите граѓани да надвладее мудроста, разбирањето и визионерството

Од:

Претседателот на Собранието, Талат Џафери упати честитка по повод големиот муслимански празник, Рамазан Бајрам.

„Задоволство ми е од мое лично име, и од име на пратениците на Собранието на Република Македонија, да упатам искрени честитки по повод големиот празник Фитер Бајрам, празник кој доаѓа веднаш по Рамазанските пости и е награда за индивидуалната пожртвуваност на верниците меѓутоа и за колективната взаемна солидарност и разбирање на сите граѓани без оглед на нивната етничка, верска или политичка припадност.

Посакувам овој празник да ве најде во добро здравје, во благосостојба во вашите домови и хармонија во семејниот круг. Ова се времиња на историски предизвик и искушенија за Република Македонија, и затоа посакувам меѓу сите граѓани да надвладее мудроста, разбирањето и визионерството. Заедно, сплотени, сме посилни, помудри и ќе бидеме ветер кој ќе ја носи Република Македонија во вистинскиот правец, а тоа е полноправно членство во НАТО и ЕУ, природен и цивилизациски дел од европското семејство и европските вредности.

Уште еднаш, дозволете да ви посакам убаво празнично расположение, добро здравје, успех и благосостојба во вашите домови. Честит празник и за многу години!“, стои во честитката на Талат Џафери.

Би можело да ве интересира

Фатон Сељами предложен за нов Народен правобранител

Собранието ја прифати интерпелацијата за државниот обвинител Коцевски

Катерина Ѓуровски

На 29 јули интерпелација за републичкиот јавен обвинител – Љупчо Коцевски

А1он

Пратениците дебатираат за ребалансот на Буџетот за 2025 година

Утре на пленарна седница ќе биде дополнетиот ребаланс на Буџетот за 2025 година

Собранието ќе одлучува за дополнетиот ребаланс на Буџетот одобрен од Владата