Двајца повредени во експлозија на плинска боца во подрум во зграда на улица „Џон Кенеди“ во скопската населба Чаир.
Во неделата попладне во 16:30 часот, седумдесет и четиригодишниот М.К. слегол во подрум за да го исчисти. Бидејќи му студело ја вклучил плинската боца за да се затопли.
Но боцата експлодирала, при што М.К. се здобил со тешки изгореници, а повредена била и педесетгодишната чистачка која ја одржувала зградата.
Двајцата се префлрени во градската болница „Свети Наум Охридски“, каде што старецот е задржан, а чистачката е пуштена на домашно лекување.
