Две лица се здобиле со тешки телесни повреди во две сообраќајни незгоди што се случиле во текот на вчерашниот ден во Скопје.
Во првата сообраќајна незгода што се случила на улицата „Васил Ѓоргов“ повреден е 33-годишен возач на мотоцикл, а во втората незгода на крстосницата од улицата „Владимир Полежановски“ и ул. „Адолф Циборовски“ повредена е 25-годишна сопатничка од Скопје.
Првата незгода се случила меѓу патничко возило „ауди“ со скопски таблички и мотоцикл управуван од 33-годишниот А.З. од Скопје, а во вториот случај 24-годишниот возач на автомобилот „БМВ“ со охридски таблички изгубил контрола и удрил во дрво.
Двајцата повредени се задржани на лекување, а од страна на полициски екипи извршен е увид на местото на незгодите.
