Две лица се полесно повредени во два одделни случаи кога возила излетаа од патот Градско – Прилеп.
Командирот на Територијалната противпожарна единица од Кавадарци, Илчо Богевски информира дека во првиот случај од патот излетало возило со кавадаречки таблици, а во вториот случај автомобил со битолски таблички.
– Возило марка „нисан“ со кавадаречка регистрација излета од патот кај селото Раец. Притоа едно лице е лесно повредено. Скоро во исто време од патот излета и битолско „ауди 4“ кај селото Фариш. И во тој случај има едно лице со лесни телесни повреди, изјави Богевски.
Се утврдуваат причините за несреќите.