А1он

  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен
FacebookTwitterYoutube
А1он
Од: А1он
Македонија

Дванаесет години без Тоше

by А1он16/10/2019 - 08:37492
Share0

Балканот денеска се сеќава на Тоше Проески кој на денешен ден пред дванаесет години трагично го загуби животот во сообраќајна несреќа кај Нова Градишка, на пат кон Загреб.

Добивај вести на вибер

Како и во изминатите 11 години, на неговото вечно почивалиште во Крушево денеска ќе пристигнат маратонците што трчаат од Нова Градишка. Средното училиште „Наум Наумовски-Борче“ со поддршка на Општина Крушево и на Локалниот младински совет и други институции, угостители, компании и граѓани набави рози кои ќе бидат оставани на патот каде што ќе поминуваат маратонците – од влезот на градот до гробот на Тоше на Гумење.

Непознати песни од Тоше Проески беа објавени во албумот „Secret place” кој беше промовиран минатата година на голем концерт во ноември, кога во чест на Тоше настапија негови колеги – пејачи и музичари од Балканот.

Животот на Тоше заврши во годината кога одбележуваше десет години успешна кариера и кога таа почна да станува меѓународна. Но албумот на англиски јазик што го подготовуваше беше постхумно промовиран (The Hardest Thing).

Тодор Проески – Тоше е роден на 25 јануари 1981 и својот музички талент го покажал уште како петтоодделенец на фестивалот „Златно славејче“ (1992) каде испеал песна на влашки јазик. Музичката кариера ја почна со победата на „Мелфест“ во Прилеп, во 1997 година, и оттогаш настапуваше на сите значајни фестивали во земјава и регионот, а во 2004 ја претставуваше Република Македонија на Евровизија во Истанбул. Таа година стана и амбасадор на УНИЦЕФ.

Објави седум албуми – неколку и во превод на српски/хрватски јазик. Последниот – „Игри без граници“ беше промовиран две недели пред несреќата, а последниот концерт, кој беше хуманитарен и за подобрување на условите во образованието во земјава, го одржа на Градскиот стадион на 5 октомври 2007.

tose

Би можело да ве интересира

Тринаесет години од загинувањето на Тоше Проески

Ана Ололовска16/10/2020 - 08:2116/10/2020 - 08:55

Маратонците и годинава ќе трчаат во чест на Тоше

Ана Ололовска13/10/2020 - 13:25

Крводарителска акција посветена на Тоше Проески

Ана Ололовска25/01/2020 - 08:58

Рози во чест на Тоше Проески

Ана Ололовска15/10/2019 - 12:58

Традиционална крводарителска акција во спомен на Тоше Проески

Ана Ололовска25/01/2019 - 08:30

Единаесет години без Тоше

Ана Ололовска16/10/2018 - 08:2316/10/2018 - 08:26
FacebookLike
TwitterFollow
InstagramFollow
YoutubeSubscribe

НАЈЧИТАНИ.

  • Facebook
  • Twitter
  • Instagram
  • Youtube
  • Импресум
  • Контакт
  • Маркетинг
  • Услови за користење

@2019 - A1on. Сите права задржани.

@2019 - A1on. Сите права се задржани
А1он
FacebookTwitterYoutube
  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен