Двајцата повредени рудари, Ј.М. (30) и А.Н. (32), од рудникот за олово и цинк, „Булмак- Минстрој“, кои биле пренесени во општата болница во Куманово се во стабилна состојба, со полесни телесни повреди.
Тие се хоспитализирани на одделението за хирургија и ќе останат на опсервација, потврдија вчера вечер од оваа здравствена установа.
Директорката на болницата изјави дека и двајцата рудари се надвор од животна опасност, пренесе МИА.
Во несреќата загина 57-годишниот Б.М., рудар од Крива Паланка.
Според официјалните информации од Секторот за внатрешни работи Куманово, несреќата во рудникот се случила вчера попладне, околу 13 часот, при минирање на јама.