Вчера околу 12.50 часот во Полициската станица Ресен било пријавено дека на магистралниот пат Ресен-Битола, на место викано „Слечиште“, се случила сообраќајна несреќа помеѓу возило „опел астра“ управувано од П.Н.(20) од Охрид и возило „мерцедес“ управувано од П.К.(52) од Сојузна Република Германија.
Од здобиените повреди, на местото на настанот починал возачот П.К., а лекар од Итна медицинска помош констатирал смрт.
Возачот П.Н. и неговиот сопатник Д.С.(19) од с.Лескоец, охридско, биле пренесени во Клиничката болница Битола, каде што кај П.Н. лекар констатирал смрт, додека кај Д.С. биле констатирани тешки повреди. Извршен е увид од јавен обвинител и увидна екипа од ОВР Ресен.