Двајца скопјани на возраст од 43 и од 46 години се приведени вчера откако по сообраќајна незгода ги нападнале полицајците кои дошле на местото на инцидентот.
– Вчера попладне во 18.20 часот на улица „.Александар Урдаревски“ во Скопје, полициски службеници ги привеле И.Т.(43) и И.Т.(46), двајцата од Скопје, затоа што по претходно случена сообраќајна незгода го нарушиле јавниот ред и мир, агресивно се однесувале кон полициски службеници кои извршувале службени дејствија и се обиделе физички да ги нападнат, извести МВР.
Двајцата биле задржани во полициска станица и ќе им бидат поднесени пријави.