Двајца избегани осуденици од затворот „Идризово“ се фатени поладнево на улицата „Орце Николов“ во центарот на Скопје. Едниот бил осуден на речиси 12, а другиот на девет години казна затвор. Била фатени во автомобил во кој имале 120.000 денати. Ќе бидат вратени во затворот информира МВР.
– Денеска (30.05.2023) околу 15.45 часот на ул.”Орце Николов” во Скопје, полициски службеници од Оперативен тим потраги при СВР Скопје и Одделението за криминалистички работи при ЕВР Гази Баба ги лишиле од слобода Б.О.(56) од Гостивар и Е.М.(29) од с.Франгово, струшко. Околу 14.30 часот тие избегале од Казнено-поправната установа Затвор Идризово, каде што издржувале затворски казни. Б.О. бил осуден на казна од 11 години и 8 месеци за сторено кривично дело по член 215 од Кривичниот законик, а има за доиздржување уште пет години, додека Е.М. бил осуден на казна затвор од девет години за сторени кривични дела по член 215 и член 396 од Кривичниот законик и има за доиздржување уште четири години од казната, се наведува во соопштението од Министерството за внатрешни работи.