Два пожара избувнаа денеска во центарот на Кавадарци, информацијата ја потврди Илчо Богевски, командир на Територијалната противпожарна единица од овој град.
Богоевски појасни дека се работи за пожари во поткровје од куќи.
-Според првичните информации, причината за првиот пожар е во неисправната електрична инсталација. Во вториот случај пак, најверојатно се работи за неправилно изведен оџак кој се запалил, информираше Богевски.
Тој соопшти дека на двете локации интервенирале со по две возила и по четворица пожарникари.
-Пожарите навреме биле забележани и пријавени па благодарение на тоа и на нашата навремена реакција, не се дозволи проширување на пламените јазици на поголеми површини и на други објекти, додаде командирот на пожарникарите.
Поради зачестенот на пожари кај оџаци, Богевски апелираше до кавадарчани и росоманци да бидат повнимателни, а за сите информации и помош, да се обратат до територијалната противпожарна единица.