Дурмиши тврди: Просечната потрошувачката кошничка во октомври 59.149 денари

Од:

Просечната потрошувачката кошничка во октомври била 59.149 денари што е 942 денари повеќе во однос на септември или 1,6 отсто, соопшти денеска министерот за економија и труд, Бесар Дурмиши.

На брифинг со медиумите, Дурмиши информира дека најголемо зголемување има кај храната и пијалаците, посебно кај зеленчукот и овошјето. Раст има и кај домувањето, облеката и обувките, рекреацијата, културата, електриката, гасот и други горива.

Секојдневно, рече, се мониторираат цените од страна на Државниот пазарен инспекторат (ДПИ).

– Засега цените се во рамки на релативна пазарна стабилност. Нашата цел е да интервенираме само ако има потреба, односно економска оправданост. Кога ќе бидеме известени од ДПИ дека има девијантно однесување кај трговците, тогаш ќе постапиме, истакна Дурмиши.

Тој се осврна и на инфлацијата, месечната е, нагласи, 0,4 отсто, а годишната во октомври 3,3 проценти.

Според Дурмиши, показателите внимателно се анализираат.

– Во еврозоната инфлацијата е четири отсто. Ние сме најдобри. Сепак, инфлацијата кај нас треба да е под три отсто и ќе го достигнеме тоа до крајот на годината, потенцира Дурмиши.

Во однос на минималната плата, информира дека Владата посветено работи на нејзино зголемување.

Би можело да ве интересира

Потрошувачката кошница надмина 70 илјади денари

Потрошувачка кошница на Владата е за 11 илјди денари пониска од онаа на синдикатите

Катерина Ѓуровски

Нов раст на минималната потрошувачка кошница

СДСМ: Потрошувачката кошница 70.000 денари, минималната плата 26.000 денари – што вели статистиката на Мицкоски?

Горан Наумовски

Ристески: Владата од 1 јануари 2026 ќе ја пресметува просечната потрошувачка кошничка

Горан Наумовски

(ВИДЕО) Кузеска: Потрошувачката кошничка порасна за 836 денари, власта нема решение за високите цени