(ВИДЕО) Дуковски: Заканите до Јовановски доаѓаат преку посредници од високи претставници

Од:

Адвокатот Сашо Дуковски кој го застапува Бојан Јовановски во „Рекет“, посочи дека притисоци и закани доаѓаат преку посредници. Тој кажа дека заканите се порачани од високи претставници во државава, но не посочи дали се политичари.

„Секојдневно има закани и притисоци. Во овој момент не би кажал од кого се но има закани, дали ќе збори или нема да збори. Од надворешни лица, не е херметички затворен затворот ‘Скопје’ и тој многу добро знае од кого и како добива. Овој процес е најмалку правен процес, туку е политички процес. Луѓето се од висока позиција и од секакво милје во оваа наша убава држава. Преку посредници а некогаш и директно доаѓаат заканите. Не можам да коментирам дали се политичари“, рече Дуковски.

Адвокатот се жалеше и бидејќи Јовановски е единствено притворени лице од случајот „Рекет“. Тој кажа дека треба да се смали мерката за да може да се подготвува квалитетна одбрана.

„Морам да укажам и да ја информирам јавноста дека сите граѓани се еднакви пред Уставот и законите. Јовановски има нееднаква положба со другите учесници во овој кривично правен настан. Сметам дека притворот треба да се смали на најблага можна мерка. Секое месечно продолжување на притворот е со исти и еднакви образложенија. Човекот се наоѓа во животно загрозувачка состојба“, рече Дуковски.

Би можело да ве интересира

Ниту измените во Кривичниот законик, ниту најавената амнестија не ја опфаќаат Катица Јанева

Приведени две лица за изнуда, поднесена кривична пријава

(АУДИО) Русковска не знае дали е таа на новите бомби за кои кажа дека се од „Рекет“, па сега не знае што врска имаат со предметот

Кристијан Ландов

Караници меѓу сестрата на Камчев, Боки 13 и адвокатот, судијата смируваше: „Тужи ме колку сакаш“

Кристијан Ландов

Сестрата на Камчев за позајмените пари: Планира да ми ги врати, досега не ме изиграл

Кристијан Ландов

Врховен им ги потврди затворските казни на Катица Јанева и Бојан Јовановски за „Рекет“

Кристијан Ландов