Бранителот на Бојан Јовановски, Сашо Дуковски по денешното рочиште посочи дека е дискриминација што неговиот клиент и првообвинет во „Рекет“ се уште е во притвор.
– Дали не ви личи на дискриминација, двајца се со поблаги мерки, а најболниот во овој предмет е со судски притвор. Секогаш истите образложенија, семејна состојба, опасност од бегство. Не знам што ќе одлучи Апелациониот суд за притворот, но не ми е јасно зошто се продолжува притворот, рече Дуковски.
Тој го дообјасни Јовановски, дека бараат меѓународна медицинска евалуација на досега извадените документи за прегледите.
– Дадени се во неколку странски земји, во Србија и во други земји, согласно ЗКП имаме право да го дадат своето мислење. Ете тоа е евалуација од друга земја, рече Дуковски.
За наводниот криминал на Вилма Русковска од четири милион евра, посочи да се праша Бојан Јовановски.
– Јас не знам, тоа може да го прашате ќе ви објасни детално за тоа Бојан Јовановски, рече Дуковски.