Адвокатот на обвинетиот Бојан Јовановски, Сашко Дуковски, по рочиштето за „Рекет“, рече дека сведоците на Обвинителството на денешното судење дале контрадикторни изјави.
„Има неверојтни контрадикторности во изјавите”, рече Дуковски.
На дополнително прашање на новинарите дека во обвинението пишува за рекет од 1,5 милион евра, а во судницата се спомнуваат само 710 илјади евра и 350 илјади евра, рече дека тоа е најмалата контрадикторност.
Адвокатот на Катица Јанева, Дељо Кадиев, рече дека имало неконзистентност во изјавите и потврди дека на неговата клиентка и’ оди во прилог тоа што сведоците рекле оти таа не барала пари.
Следното рочиште за „Рекет“ е закажано за 25 декември кога треба да сведочат бизнисмените Зоранчо Митровски, Томе Главчев и адвокатот Сашко Бошков.