Постигнатиот договор помеѓу четирите политички партии за одржување на избори во декември годинава е само фрлање прашина во очите на јавноста и истиот не гарантира создавање на услови за фер, демократски и кредибилни избори, стои во соопштението на Демократски сојуз .
„Од круцијално значење беа предлозите за реформите во судскиот систем, безбедноста, деполитизација на државните институции, потоа реформите во медиумите, формирање на судско одделение кое ќе постапува по предмети од СЈО, како и формирање на експертска влада која ќе ги спроведе реформите“, пишува во соопштението на партијата на Павле Трајанов.
Според ДС, од исклучителна важност за демократизација на државата и демонтажа на еднопартискиот систем беше Македонија да биде една изборна единица, но и тие промени не се направија, ниту пак се прочисти избирачкиот список.
Заради сите овие прашања, но и досегашното искуство владејачките да ги блокираат реформите, партијата се сомнева дека преку постигнатиот договор ќе се дојде до кредибилни избори и дека истите ќе се одржат на 11 декември.