Република Македонија недвосмислено ќе продолжи со поддршката на активностите на МАРРИ, особено во делот на реформите на самата иницијатива, истакна државниот секретар во Министерството за внатрешни работи Магдалена Несторовска на МАРРИ Министерскиот форум во Белград.
Македонското Министерство за внатрешни работи соопшти дека на средбата било договорено Република Македонија да ја има водечката улога во процесот на реструктуирање на Регионалниот Центар во Скопје, со што ќе придонесе кон зајакнување на севкупните капацитети со кој располага.
На маргините на Форумот, Несторовска остварила повеќе билатерални средби со претставници од земјите и меѓународните организации, соопшти МВР.