„ДОМ повикува да запре бетонирањето на Тафталиџе, што е најавено со поставувањето огради и булдожери на местото на паркот на ул. Букурешка.
Ги потсетуваме општинските власти од Карпош дека на граѓаните им ветија дека ни педа зеленило нема да се уништи во општината! Каде е сега нивниот збор, како ќе им излезат пред очи на граѓаните? Па нели се во изборна кампања, дали се откажале од гласовите на жителите на Карпош? Или пак знаат дека таму веќе поддршка не добиваат?
Настрана шегата, скандалозно е што овој обид за узурпација на детското игралиште и паркот се прави во матно време, во денови на сериозна политичка криза што ја потресува Македонија. Жално е што на некои луѓе изгледа токму тоа им се вклопува во бизнис-планот“, се вели во соопштението на ДОМ.