ДОМ: Се придружуваме на граѓанската иницијатива во Кочани за референдум

Од:

Зелената партија ДОМ и се придружува на граѓанската иницијатива во Кочани за распишување на референдум за изјаснување на граѓаните на Кочани за изградба на мала хидроелектрана на Мала Река.

– За ова барање на граѓанската иницијатива Грин.Орг се исполнети сите законски услови и она што преостанува е Советот на општина Кочани на својата следна седница да го стави граѓанскиот предлог на гласање и да се произнесе по однос на барањето од граѓаните. Ние, како Зелени, сме апсолутно против изградбата на оваа мала хидроелектрана, која е на едната од двете притоки на езерото Градче, на само стотина метри од границите на зоната за строга заштита „Голема Река“, и е во територијата на заштитеното подрачје Осогово, велат од ДОМ.

„Количините на потенцијално произведената електрична енергија од Мала Река се толку многу мали, што не можат во никој случај да ја надополнат штетата, која хидроелектраната трајно ќе ја нанесе врз автохтониот природен потенцијал и биодиверзитетот на овој дел од Осогово, кој е дом на ендемски видови животни и растенија, поради што и не случајно е прогласен за заштитено подрачје, а дел од планината и меѓународно е препознаена како IBA – зона од витално значење за популацијата на загрозени видови птици.

Градежните зафати за изградба на електраната несомнено ќе влијаат и врз зоната за строга заштита Голема Река, а Агенцијата за поддршка и промоција на туризмот веќе даде негативно мислење за изградбата и поради оцената дека овој проект ќе има штетно влијание врз туризмот и туристичкиот потенцијал кој го крие овој регион“, се наведува во соопштението на ДОМ.

Би можело да ве интересира

ДОМ и ЛДП остануваат дел од парламентарното мнозинство, не се за одржување на предвремени избори

А1он

Потпишан договор за заедничка коалиција меѓу ЛДП и ДОМ, формирано „Движењето одлучно за промени”

Ана Ололовска

Ванчо Санев е кандидат за градоначалник на Штип од ДОМ и ЛДП

А1он

„Разбистри се“ до Морачанин: Да не бидат злоупотребувани нашите наоди за разрешување на Петровска

Ландов

Разрешена Ана Петровска, веднаш е поставен и нов в.д. директор на инспекторатот за животна средина

Кристијан Ландов

Побарано е разрешување на Петровска, Морачанин не е задоволна од неа: Има реакции од граѓаните и поплаки од инспекторите

Кристијан Ландов