На 16 и 17 мај (понеделник и вторник) во Република Македонија ќе престојуваат ко-претседавачот на Европската Зелена Партија и член на Европскиот парламент, Рејнхард Бутикофер и Роберт Година, политички советник на Зелените.
Тие ќе имаат средба со Лилјана Поповска и раководството на ДОМ, која е членка на Европската Зелена Партија. Се очекува на средбите да стане збор за актуелната политичка ситуација во Македонија и за проширување на соработката со другите зелени партии.
Претставниците на Зелените ќе имаат средби и со министерот за надворешни работи, Никола Поповски, со високи претставници на Канцеларијата на ЕУ во Скопје, со претседателот на СДСМ, Зоран Заев, како и со претставници на невладини организации.
Ве информираме дека на 17 мај (вторник) во 13:30 часот во централната канцеларија на ДОМ ќе се одржи заедничка прес-конференција на европратеникот Бутикофер и претседателката Поповска.