ДОМ во сите општини во Македонија ќе се залага за намалување на сметките за потрошена електрична енергија, преку субвенционирање на домаќинствата кои ќе вложат во инсталации од обновливи извори на енергија или ќе сакаат да ја подобрат енергетската ефикасност на нивните објекти.
– На овој начин сметките можат да се намалат од 50 до 80%. Истото се однесува и на објектите од јавен карактер – болници, училишта, градинки, за кои предвидуваме енергетска санација, изјави Александар Анѓушев од ДОМ.
За реализирање на таа цел ќе бидат отворени канцеларии во општините во кои ќе се едуцираат и обучуваат кадри, кои ќе бидат инволвирани во остварувањето на зацртаната цел.
– Со ова ќе потпомогнеме да се креираат нови зелени работни места во енергетиката и во градежништвото, рече Анѓушев.