ДОМ веќе го поддржа протестот на жителите на струшкото село Лабуништа и побара од Државниот инспекторат за животна средина итно на терен да го утврди степенот на загаденост на воздухот со ПМ 10 и ПМ 2,5 честички и степенот на загаденост на водата и почвата, информира партијата преку соопштение.
„ДОМ побара и изготвување на Стратешка оценка за влијанието на ископите на планината Јабланица врз животната средина.
Како зелена партија ДОМ уште еднаш укажува дека планинскиот масив Јабланица е еден од најубавите на Балканот и дека е отпочната иницијатива за негово прогласување за нацонален парк, како што е тоа случај со делот што и припаѓа на Албанија. Јабланица има извонредни природни убавини и вредности, богат биодиверзитет и место каде што опстојува рисот, како загрозен вид.“, се наведува во соопштението на партијата.