ДОМ најави реализација на пет приоритети во првата година на новата влада

Од:

Носење закони за зеленило и за квалитет на почвата се приоритети на ДОМ за првата година од работатат на новата влада, истакна денеска на прес-конференција претседателката на партијата Лилјана Поповска.

Таа посочи дека во предизборниот договор со ВМРО – ДПМНЕ биле договорени пет програмски заложби за заштита на животната средина.

– Носење закони за зеленило  и за квалитет на почвата во првите 100 дена, што ќе значи институционална заштита на зеленилото во градовите, но и поинакво урбанистичко планирање, со загарантиран процент зеленило на ниво на град и парцела и контрола на почвите, отстранување на загадениот дел и садење чисти почви, како гаранција за здрава храна, рече Поповска.

Според неа, ќе се преземат мерки престанок на загадувањето од големите загадувачи и деноноќно следење на нивната работа. До крајот на првата година, Поповска вети зајакнување на системот за мониторинг и контрола на квалитетот на воздух, вода и почва, преку доекипирање на инспекторатите за животна средина со луѓе, опрема и мерни станици, целодневно и во викенди и целосно решавање на отпадот во Македонија. Почнувајќи од современи депонии, преку ефикасен систем за собирање електронски отпад, батерии и акумулатори, со посебен акцент на опасниот отпад.

– ДОМ ќе продолжи да работи и на останатите наши приоритети како што се социјална правда, еднакви можности за сите, посебно за маргинализираните групи, за развој на науката и културата, натамошен пробив на обновливите енергии, енергетска ефикасност и туризмот, борба против ГМО, заштита на природните реткости и ред други теми од зелената агенда, нагласи Поповска.

Би можело да ве интересира

ДОМ: Ни претстои сериозна борба против корупцијата пред сите млади да си заминат!

ДОМ: Револт и неверување – пратениците покажаа отсуство на хуманост и емпатија за цивилите во Газа!

А1он

ДОМ за нападот врз Арсовска: Насилството и дивоградбите не смеат да ја урнат демократијата

ДОМ: Градоначалникот на Крива Паланка да поднесе кривична пријава до обвинителство за кривично дело екоцид

ДОМ: Се противиме на промени во урбанистичкото планирање на брза рака

ДОМ: Интеграција наместо сегрегација