Демократската обнова на Македонија-ДОМ го поздрави заклучокот на Владата да се пристапи кон измени и дополнување на правната рамка со цел децидно да се спречи увоз на генетски модифицираните организми (ГМО).
Цела Македонија да биде ГМО-слободна зона и да го стимулира органското производство и еко-туризмот, побара ДОМ на вчерашната конференција за заштита од ГМО.
ДОМ предлага ЗЕЛС да го продолжи процесот каде општините преку своите локални совети ќе прифатат декларации за ГМО-слободни зони. Досега вакви декларации прифатиле Велес, Охрид, Чашка, Могила, Василево и Валандово. На ваков начин од присуство на ГМО се заштитени цела Грција, Австрија, скоро цела Италија и делови од Унгарија, Германија, Франција.