Партијата Демократската обнова на Македонија (ДОМ) денеска соопшти дека поднела кривична пријава против Макстил за кривичните дела загадување на животната средина и природата и загрозување на животната средина со отпадни материи.
Пријавата, како што се наведува во партиското соопштение, се повикува на прекршување на Законот за животна средина (член 138, став (1) за непочитување на рокот 01.04.2014год. за еколошките прилагодувања) и Уставот на РМ (член 43 став 2 кој што гласи: „Секој е должен да ја унапредува и штити животната средина и природата“).
Во текот на утрешниот ден ќе биде поднесена и кривична пријава против „Југохром“ во Основно Јавно Обвинителство – Тетово, соопшти ДОМ.