Дојави за наводно поставени бомби утрово пристигнале во основните училишта „Љубен Лапе“ и „Браќа Миладиновци“, „Александар Македонски“ и „Лазо Ангеловски“ во населбите Аеродром и Ново Лисиче. Учениците се евакуираат. Полицијата прави антитерористички проверки.
Евакуирани се и учениците од гимназиите „Георги Димитров“, „Никола Карев“ и „Јосип Броз Тито“.
Родители од основното училиште „Браќа Миладиновци„ за А1.он потврдуваат дека добиле пораки од наставничките да ги земат децата поради дојава за бомба.
Од МВР потврдуваат дека има дојави за бомби. Најавуваа детали за подоцна.
Дојавите за поставени бомби продолжуваат да ги вознемируваат жителите на главниот град. Најчесто дојавите се за поставени бомби во училишта. Вчера имаше дојави за 15 бомби во училишта. Досега сите дојави за поставени бомби беа лажни.