Благородна Дулиќ и Илија Димовски од ВМРО-ДПМНЕ и Рената Треновска Десковска и Љубомир Фрчковски од СДСМ се членовите на ад-хок комисијата за утврдување на фактите за настаните од 24 декември.
Ова е исходот од денешната консултативна средба меѓу Борис Јосифовски, генерален секретар на Кабинетот на претседателот на Република Македонија, и генералните секретари на ВМРО-ДПМНЕ Кирил Божиновски и на СДСМ Андреј Петров.
Како што информираат од Кабинетот на претседателот, во текот на разговорите биле разменети мислења и за претседателот на комисијата.
Првата средба од ист формат се одржа вчера на покана на Јосифовски. Договорено беше комисијата своите активности да ги извршува во Собранието на Република Македонија.
