Министерството за информатичко општество потпиша договор со Акселтра ДООЕЛ за изградба на нови интернет продавници во следните три месеци.
Со договорот се предвидени 31 нова е-продавница со обезбеден веб дизајн и хостинг за истата од една година, изработка на електронски каталог до 50 услуги или производи, систем за водење на нарачки и мижност за плаќање со платежни картички.
Министерот Иво Ивановски рече дека првите пет е-продавници кои ќе бидат најуспешни ќе добијат уште една година бесплатен веб хостинг и каталог за 50 прозиводи.
„Овој проект ќе продолжи. На крајот на годинава повторно ќе биде распишан конкурс за дополнителни 50 веб продавници во соработка со Министерството за економија за да им овозможиме на повеќе граѓани да отворат електронска прдавница, но и да може и домашните претпримачи да ги искористат бенифитите од информатичкото оштество и да ги пласираат своите производи и надвор од Македонија“, изјави Ивановски.
