Такси возачите ќе можат до крајот на април да се пријават за полагање на испитот за англиски јазик. Продолжувањето на рокот, како што информира денеска Град Скопје, е направено по барање на такси компаниите.
Испитот е бесплатен, а на конкурсот за полагање може да се пријават само такси возачи вработени во лиценцирани авто такси компании.
Пријавувањето се врши на електронската пошта [email protected], а покрај пријавата, која може да се најде на веб страната на Министерството за транспот и врски www.mtc.gov.mk, кандидатите треба да приложат и М1/М2 образец не постар од 60 дена и копија од лична карта.
Времето и местото на полагање на испитот дополнително ќе биде објевено на веб страната на Министерството за транспорт и врски.
Во согласност со Законот за патен сообраќај сите авто такси возачи мора да имаат сертификат за познавање на основен степен на англиски јазик, кој е еден од условите за да се здобијат со лиценца за вршење на авто такси превоз. Сертификатот ќе биде задолжителен од 1 јануари 2017 година.