Државната комисија за спречување на корупцијата (ДКСК) денеска на седница констатираше дека веќе е поднесена претставка за двајца судии од Основен суд Битола и Апелационен суд Битола до Судскиот совет за наводна злоупотреба на службената положба и овластување, како и заобиколување на правниот систем при вршење на работна дејност.
Од ДКСК велат дека подносителот ја доставил истата претставка и до Судскиот совет, при што Советот има оформено предмет за понатамошна постапка.
-Судскиот совет оформил предмет за овој случај и ќе се постапува по оваа претставка, а подносителот ќе биде известен за истиот. Нема повеќе елементи за ние да постапуваме по овој предмет, велат од ДКСК.
На денешната седница на ДКСК беа разгледувани и други предмети.