До Државната изборна комисија до 19 часот пристигнати приговори и тоа осум од подносителот на листа на кандидати Движење Беса и осум од подносителот на листа Коалиција предводена од СДСМ. Дел од приговорите се однесуваат на постапката за гласање, додека дел се однесуваат на постапката за сумирање и утврдување на резултатите.
Како што информираат од ДИК, приговорите на Движењето Беса се однесуваат на општините Арачиново, Тетово, Липково и Гази Баба, додека приговорите кои се поднесени од Коалицијата предводена од СДСМ се однесуваат за текот на гласањето, а дел за утврдувањето и сумирањето на резултатите од гласањето.
Во 19 часот истече рокот за поднесување приговори до ДИК за постапката за гласање, додека рокот за поднесување приговори за постапката за сумирање и утврдување на резултатите истекува на полноќ.