„Државната комисија за спречување на корупцијата постапувајќи по предмет од областа на судирот на интереси констатира состојба на судир на интереси кај лицето Соња Каркалашева поради повреда на член 9 од Законот за спречување судир на интерси.
Имено, службеното лице, покрај функцијата член на Училишен одбор на ООУ „Петар Мусев“ Богданци ја извршува и функцијата управител на две трговски друштва: Друштво за трговија и услуги АЛУМИНКО – АЛЕКС ДООЕЛ Богданци и Друштво за производство, трговија, градежништво и услуги БОДИГ КОМПАНИ ДООЕЛ експорт-импорт Богданци.
Постапувајќи согласно со одредбите од Законот за спречување судир на интереси, а во насока на отстранување на констатираната состојба, Државната комисија за спречување на корупцијата во смисла на член 23 став 1 од Законот за спречување судир на интереси се обрати до наведеното службено лице со барање во рок од 15 дена сметано од денот на приемот на барањето доброволно да се откаже од извршување на една од двете функции кои истовремено ги извршува со што ќе излезе од состојбата на судир на интереси во која се наоѓа.
Соња Каркалашева не постапи по барањето на Државната комисија, поради што во смисла на член 23 став 3 од Законот за спречување судир на интереси, Државната комисија за спречување на корупцијата донесе одлука на ова лице да му изрече мерка јавна опомена.
Согласно со член 25 став 2 од Законот за спречување судир на интереси мерката јавна опомена се објавува во средствата за јавно информирање.
Во контекст на наведеното, Државната комисија за спречување на корупцијата Ви ги доставува податоците за изречената мерка ЈАВНА ОПОМЕНА на наведеното лице со цел нивно објавување во јавноста“ соопштуваат од ДКСК.