Туризмот игра значајна улога во развојот на општина Битола. Не навлегувајќи во дискусија колку оваа локална власт направила, т.е. не направила за оваа важна економска гранка, сакам да ги информирам нашите граѓани дека:
Во првите 6 месеци од нашиот мандат ќе биде изработена стратегија за развој на туризмот во подпелистерието и Баба Планина кои ќе прераснат во европски рекреативен и туристички регион.
Ќе изградиме летен рекреативен центар кој ќе биде лоциран на самата река Драгор од потегот на зафатот на Нижеполе до базенот во село Дихово.
Тука предвидуваме изградба на три каскади кои ќе формираат три мини езера, каде нашите сограѓани ќе можат да се одмараат и рекреираат.