Директорот на Бирото за јавна безбедност, Сашо Тасевски оствари работна средба со претставници од Специјалната мисија на ОБСЕ/ОДИХР за проценка на изборите, предводена од Тибор Немеш, експерт за безбедност.
Експертот истакна дека мисијата на ОБСЕ/ОДИХР ги следи здравствените и безбедносните протоколи.
Директорот Тасевски упати покана за Специјалната мисија на ОБСЕ/ОДИХР да присуствуваат на Оперативниот штаб кој е формиран за претстојните парламентарни избори и потенцираше дека според сите досегашни анализи, нема никакви сознанија дека изборниот процес може да биде нарушен, односно дека МВР во координација со другите надлежни институции ги презема сите неопходни мерки и активности за изборите да бидат мирни и демократски.
Директорот Тасевски посочи дека досегашниот тек од кампањата се одвива без проблеми.
