Кандидатот на СДСМ за градоначалник за Битола, Менде Динески ги повика Битолчани утре на митингот на опозицијата до почеток во 20 часот. Тој се заложи за гасификација на Битола и за намалување на трошоците на граѓаните.
„Со намалување до 40 проценти, ќе ги направиме сметките за струја подносливи и за домаќинствата и за фирмите. Гасификацијата на Битола не е само желба, туку приоритет во понатамошниот развој на оваа општина. Гасификацијата зема централно место во мојата програма. По примерот на Струмица и Куманово, ќе ги намалиме трошоците на граѓаните, но и на општината. Средствата кои со тоа ќе ги заштедиме, ќе ги инвестираме на друго место“, изјави Диневски.
Програмата,покрај моите погледи за иднината на градот, ќе започнеме да ја пишуваме уште денес, на средбите со моите сограѓани, со граѓаните на Битола и околината, рече Диневски.