„На 04.08.2017 година, Министерството за труд и социјална политика (МТСП) донесе Решение со кое се огласува за ништовно незаконското Решение на Министерот Ибраим Ибраими со кое се стави крај на повеќегодишното уништување на Сојузот на синдикатите на Македонија (ССМ) и продавање на интересите на работниците.
Донесеното Решение од МТСП, докажува дека постапката во која е сменет Живко Митревски е статурана и законска и конечно и ние Синдикатите кои што долго време го креваме гласот против кршењето на работничките права и злоупотребата на работниците почувствуваме дека правото и правдата се враќаат во Р. Македонија.
Изјавите на Живко Митревски во кои изгледа дека само тој самиот верува се неосновани и тенденциозни, полни со лаги и невистини и претставуваат последен обид да се убеди јавноста дека гробарот на синдикализмот ја има поддршката од работниците. Ваквите лаги доаѓаат од лице кое седна на фотељата на ССМ со Заклучок, а не со Решение, а на Конгресот на кој тој постојано се повикува беше избран без потребниот кворум за работа на Конгресот и со бојкот на повеќе синдикати.
Во наредниот период првиот приоритет на новото раководство на ССМ ќе биде враќањето на довербата на работниците, расчистување со криминалите на Живко Митроевски и заедно со МТСП како социјални партнери ќе ги штитиме работничките права и никогаш нема да дозволиме ССМ да го водат квази синдикалци како Живко Митресвки“ се вели во соопштението на В.Д. претседателот на ССМ, Дарко Димовски.
