Димовски: На митингот во Велес немаше велешани

Од:

„Црвенковски вчера дојде во Велес, но граѓаните на Велес не отидоа да го слушаат. На плоштадот во Велес имаше луѓе од Штип, од Кавадарци, од Прилеп, од Скопје и од Куманово, но најмалку имаше луѓе од Велес. Впрочем огромниот број на автобуси криени низ улиците на Велес, благодарение на Медиумите ги виде целата јавност“, изјави на прес конференција Илија Димовски од ВМРО ДПМНЕ.

Според него жителите на Велес не излегле да го слушнат Црвенковски бидејќи во времето на СДСМ од најразвиен индустриски центар станал најсиромашен град во Македонија.

„Граѓаните на Велес не излегоа затоа што најголемата фабрика за порцелан на Балканот ја распарчија и ја оставија во тешки милионски долгови. Затоа што 4000 семејства само од оваа фабрика останаа без својата егзистенција“, рече Димовски.

Затоа, како што рече Димовски, граѓаните од Велес немаат никаква доверба ниту во Бранко Црвенковски ниту пак во оние велешани кои нему му се соработници, следбеници и послушници.

„Го слушнавме г. Црвенковски како ја повтори невистината дека СДСМ го градел автопатот од Скопје за Тетово. Г-дине Црвенковски во тој автопат ниту вие ниту СДСМ има инвестирано макар еден метар. Тој автопат започна да се гради во 1998 година, а заврши да се гради во 2002 година. На сликата која ја објавија медиумите од свеченото отворање на автопатот, се гледа дека потпретседатлеот на Владата г. Џевдат Насуфи е тој кој што го пушта овој автопат во употреба, а тој не беше потпретседател на влада на СДСМ“, изјави Димовски.

Тој каќа дека не е точно тврдењето на Црвенковски дека СДСМ направила држава.

„Тоа не е точно. Вие наследивте веќе осамостоена држава со само 16% невработеност, со развиено стопанство, со силни претпријатија, а оставивте држава со 38% невработеност, со разграбани и уништени претпријатија и со криминал невиден никаде во Европа“, рече Димовски.

Би можело да ве интересира

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он

ВМРО-ДПМНЕ: Нема голем скандал во Македонија, а трагите на парите да не водат директно во Зајас кај Али Ахмети

А1он

ВМРО-ДПМНЕ: СДС е спотер, а сватот на Али Ахмети акционер

Петрушевски: Филипче и партнерите од СДС треба да одговараат кривично за саботажа на банкарскиот систем во државата

ВМРО-ДПМНЕ: Младите брачни парови и самохрани родители до 40 години ќе се ослободат од комуналии за да се реши станбеното прашање

ВМРО-ДПМНЕ: Богданци заслужува повеќе, после три мандати на Шапов, општината се соочува со сериозни предизвици