Лилјана Поповска, остана осамена и без поддршка од владините партнери, ВМРО-ДПМНЕ и ДУИ, за предлогот, стручната јавност да учествува во оформувањето и изградбата на градот Скопје. За опозицијата предлогот е задоцнет, и ја прашаа Поповска зошто не реагирала на време, бидејќи во Скопје царува урбаното лудило на, како што рекоа, главниот архитетк Никола Груевски и Централниот комитет на ВМРО-ДПМНЕ.
Игор Ивановски, потстети дека градоначалникот на Аеродром, Ивица Коневски, потрошил два милиони евра за 1 и пол парк, што значи платил едно евро квадрат. За Паркот на езерата потрошени се еден милион евра за 11 илјади квадрати.
„Со злато ли ги прави парковите“, праша Ивановски
Ивановски уште забележа и дека 1,8 милиони евра се платени за Прометеј, те со гаќи, те без гаќи.
„На скопјани им се одзема Скопје, како и Македонија на Македонците. За среќа привремено“, рече Ивановски.
„Општина Центар во буџетот предвиде 6 милиони денари за детски игралишта. Во Малиот ринг едно од најубавите детски игралишта го прегазија и уништија за да може бизнис интересите на Извршниот комитет да се реализираат“, рече Горан Мисовски од НСДП.
„Секогаш кога ќе дебатира пратеник од НСДП ќе барам да се извини за прогрчките ставови на нивниот лидер. Вие сте пратеник на прогрчка партија“, му реплицираше Илија Димовски на Мисовски, што предизвика кавга и дофрлување од место.
„Јас сум опериран од вашите навреди. Вашите дискусии ги множам со нула, а за вас се сеќавам само на изјавата на Љубчо Георгиевски дека кога сте се поздравувале со него 5 дена не сте ги миеле рацете, му одговори Мисовски.