(ВИДЕО) Димовски до Заев: Земјава се наоѓа во политичка агонија, време е да поднесете оставка

Од:

Речиси целата пратеничка група на ВМРО ДПМНЕ се пријави да реплицира на експозето на премиерот Зоран Заев, за предлозите за нови министри за финансии и за подобрување на инвестициската клима. Репликите се однесуваат на различни прашања од областа на економијата, како и за случајот „Рекет“, но и барања за оставка од Заев.

Илија Димовски обвини дека правниот систем почнал да се разнишува уште од „бомбите“ на Заев и дека е време за оставка. Рече дека земјава се наоѓа во политичка агонија која мора што побрзо да заврши и во овој контекст од говорницата, побара оставка од премиерот Заев.

– Правниот систем не е разнишан, туку разнесен. Се знае кои министри договарале процедури во судските постапки. Најдобро во овој момент и за земјата и за граѓаните и за економијата и за СДСМ е што побрзо да заврши оваа политичка агонија. Време е да поднесете оставка и не мора да го поврзете тоа со ваша политичка или морална одговорност, нагласи Димовски.

На тоа одговори Заев, правејќи паралела како е сега во однос на транспарентноста и работењето на судството, а како беше во времето на владеењето на ВМРО-ДПМНЕ.

– За разлика од тогаш, премиерот сега е пријавител на случајот, овозможено е целосно независно транспарентно работење на Јавното обвинителство, без каква било пречка, низ истрага, да ги докаже сите аргументи. Тоа се сериозен предизвик за секоја држава и за нас. Ќе покажеме дека овој предизвик е овозможен тука, потенцира Заев.

Трајко Вељаноски пак побара кривично да се одговара за лажење на гласачите.

„Цело време не убедувавте дека може во исто време да сте министер за финансии и премиер, па се повлековте и два месеци чекавме да предложите министер. Во програмата ветивте дека ќе имате влада со 20 членови, тоа не го исполнивте. Може треба да се стави во кривичен законик измама на избирачите, за тоа што сте ветиле, а не исполните“, рече Вељаноски.

Заев реплицираше дека соодветно на бројот на мандати изискувале проширување на коалицијата за стабилна влада и тоа е причината што не е намален бројот на министри.

Би можело да ве интересира

Левица: Само шесте пратеници на Левица гласаа против Африм Гаши, ДПМНЕ денес капитулира

Предраг Петровиќ

Собранието ги верификуваше мандатите на 118 пратеници

Африм Гаши предложен за претседател на Собранието со 75 потписи од пратеници на ВМРО-ДПМНЕ, „Вреди“ и ЗНАМ

Катерина Ѓуровски

Апасиев: Левица нема да поддржи Албанец да биде претседател на Собранието

Мицкоски: Апасиев имаше бланко понуда да се придружи кон македонското национално единство, тој одлучи повеќе да се посвети на правењето планови за одмор

Катерина Ѓуровски

Димитриевски: Ќе го поддржиме Гаши за претседател на Собранието

Катерина Ѓуровски