Диме Витанов денеска беше избран за нов претседател на Советот на општина Неготино.
Витанов се заблагодари за поддршката која на локалните избори беше дадена за градоначалникот Тони Делков и советниците во општинскиот Совет.
– Очекувам коректна соработка со градоначалникот и со сите колеги советници, во интерес на сите жители на општината. Со сите советници ќе соработувам без разлика на која политичка опција припаѓаат и дали ме поддржале или не во изборот за претседател. Ветувам нова енергија во функционирањето на Советот, нагласи тој, повикувајќи на конструктивност од страна на сите советници.