На предвремените избори за градоначалник на општините Штип и Пласница во текот на денешниот ден избирачките одбори го спроведоа гласањето на лица кои се болни или немоќни или во куќен притвор и до општинските изборни комисии доставија известувања со соодветна документација, соопшти вечерва Државната изборна комисија.
– Во своите домови гласачкото право можеа да го остварат 142 гласачи кои се пријавиле како болни или немоќни, и тоа 66 гласачи во општина Штип од кои сите 66 гласачи го оствариле своето право на глас, и 76 гласачи во општина Пласница од кои 70 гласачи го оствариле своето право на глас, се наведува во соопштението на ДИК.
Гласење е спроведено во еден центар за вонсеменја грижа каде што се сместени двајца гласачи кои се од општина Штип, од кои само едниот го оствари своето право на глас.
На гласачките места во казнено поправните установи своето гласачко право денеска можеа да го остварат 67 гласачи кои се од општина Штип, од кои 60 гласачи го оствариле ова право и 1 гласач од општина Пласница, кој исто така го остварил своето право на глас.