Државната изборна комисија, на својата интернет страница, го објави списокот со име и презиме на сите 89. 338 гласачи кои се предмет на теренска проверка.
Одлуката вчера ја донесе мнозинството членови во комисијата, според кои ќе се зголеми транспарентноста, додека дел од членовите оценија дека на овој начин се минира процесот на теренска проверка, бидејќи, како што објаснија, се работи за доверливи информации.
Со оваа опција се овозможува т.н. спорни гласачи однапред да знаат кога анкетарите ќе дојдат да ги проверуваат.
Општини каде ќе се проверуваат најголем број сомнителните гласачи се Чаир, Бутел и Шуто Оризари, вкупно 17. 000, а потоа Куманово со липковскиот регион со 11.000 сомнителни гласачи.
Од скопските општини најмногу записи има во Центар со Аеродром и Карпош, каде ќе се проверуват околу 6.000 записи. Теренската проверка, според најавите, треба да заврши до 3 април.