Државната изборна комисија (ДИК) според првичните резултати соопшти дека до 10 часот на референдумот за ГТЦ излегле 2.420 граѓани на Центар или 5,56 проценти од гласачкото тело кое изнесува преку 43.000 во оваа скопска општина.
За споредба со последните претседателски избори од минатата година излезноста била 9,51 процент до 10 часот.
ДИК информираше дека досега гласале затворениците со право на глас на референдумот во Штип, Кумановo и во скопска Шутка, однодно од 45 гласале 38 затвореници, а своето право го искористиле и седум болни и изнемоштени лица кои гласале во својот дом.