Државната изборна комисија (ДИК) ги повикува граѓаните да направат увид во своите податоци во Избирачкиот список и, доколку е потребно, да побараат измена, дополнување или бришење на податоците.
Повикот на Државната изборна комисија граѓаните да проверат дали ги има во Избирачкиот список е обврска на ДИК согласно измените и дополнувањата на Изборниот законик од 2016 година, соопштуваат од Комисијата.
– Државната изборна комисија е должна на секои 6 месеци јавно да ги повикува граѓаните да извршат увид во своите податоци во Избирачкиот список и доколку сметаат дека е потребно, да побараат измена. Исполнувајќи ја оваа своја обврска, ДИК објави јавен повик за проверка на податоците во Избирачкиот список: http://www.sec.mk/javen-povik-za-proverka-na-podatocite-vo-izbirachkiot-spisok/, се вели во соопштението од Комисијата.
Избирачкиот список кој се става на јавен увид е направен со податоци на граѓаните кои заклучно со 1 февруари 2017 година, станале полнолетни.
Јавниот увид може да се изврши на официјалната веб страница на Државната изборна комисија www.mk или во подрачните одделенија и канцеларии на Државната изборна комисија.
Наредниот редовен јавен повик ДИК ќе го објави по шест месеци.